1000х90.jpg (78 KB)

Երևանում՝ 11:07,   29 Մարտ 2024

Թավշյա հեղափոխությունից հետո քաղաքացիներն ավելի շատ են վստահում ԱԺ-ին ու կառավարությանը. հարցում

Թավշյա հեղափոխությունից հետո քաղաքացիներն ավելի շատ են վստահում ԱԺ-ին ու 
կառավարությանը. հարցում

ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: «Հետազոտական ռեսուրսների կովկասյան կենտրոն-Հայաստան հիմնադրամի» «Կովկասյան բարոմետր» 2019թ. հարցման համաձայն՝ 2018թ. թավշյա հեղափոխությունից հետո քաղաքացիների շրջանում բարձրացել է օրենսդիր և գործադիր մարմինների նկատմամբ վստահության մակարդակը:

«Արմենպրես»-ի փոխանցմամբ՝ 2019թ. Ազգային ժողովին վստահել է հարցվածների 39%-ը, կառավարությանը՝ 71%-ը:

2017 թվականին կառավարությանը վստահել է հարցման մասնակիցների 20%-ը, իսկ խորհրդարանին՝ 12%-ը:

«Կովկասյան բարոմետրը» Հարավային Կովկասի երկրներում տնային տնտեսությունների տարածաշրջանային հարցում է, որն իրականացվում է 2004թվականից (2004–2010թթ. կոչվել է «Տվյալների նախաձեռնություն»): 2015, 2017 և 2019 թվականներին հարցումներն իրականացվել են միայն Հայաստանում և Վրաստանում։ ՀՌԿԿ տվյալների ազատ հասանելիության սկզբունքին համապատասխան՝ «Կովկասյան բարոմետրի» տվյալադարանները, ինչպես նաև տվյալների առցանց վերլուծության գործիքը ազատորեն հասանելի են հետազոտողների և բոլոր հետաքրքրվողների համար։

«Կովկասյան բարոմետրի» 2019թ. հետազոտությունն իրականացվել է «Հետազոտական ռեսուրսների կովկասյան կենտրոն(ՀՌԿԿ)-Հայաստան հիմնադրամի»­ կողմից՝ Ժողովրդավարության ազգային հիմնադրամի աջակցությամբ։

Հետազոտության արդյունքներն ամփոփվել և հրապարակվել են 2020թ. հուլիսի 30-ին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]