Իշխանության մեջ գտնվող որևէ անձի ազդեցությունը դատավորների վրա զրո է․Մեսրոպ Մակյան
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ։ Քաղաքական իշխանության կողմից դատական իշանության գործունեության վրա բացարձակ որևէ միջամտություն չկա։
Ինչպես տեղեկացնում է «Արմենպրեսը», լրագրողների հետ զրույցում այս մասին ասաց Բարձրագույն դատական խորհրդի անդամ Մեսրոպ Մակյանը՝ պատասխանելով լրագրողի հարցին, թե արդյոք կա՞ քաղաքական իշխանության ազդեցությունը Բարձրագույն դատական խորհրդի և դատական իշխանության վրա։
«Իշխանության մեջ գտնվող որևէ անձի` որևէ ազդեցություն դատավորի վրա, ամենայն պատասխանատվությամբ եմ հայտարարում, զրո է։ Բացարձակ որևէ միջամտություն չկա։ Բնականաբար, դատավորները մի քանի անգամ նշել են, որ վակուումի մեջ չեն ապրում, իրենք սովորական մարդիկ են: Հանրային ճշնումներ, միգուցե մամուլի հրապարակումներ, կարծիքներ և այլն, կարող են լինել, որ, օրինակ՝ դատավորը նայի, տեսնի, ինչ-որ եզրահանգումներ անի, բայց ամեն դատավորի ներքին քաջության և քաղաքացիական խիզախության հետ է կապված անկախ որոշումներ կայացնելը»,- ասաց Մակյանը։
Բաժանորդագրվեք մեր ալիքին Telegram-ում