Իրանն առաջին անգամ զինավարժանքներ Է անցկացնում ռազմական արբանյակի տվյալների օգտագործմամբ
ԵՐԵՎԱՆ, 28 ՀՈՒԼՍԻ, ԱՐՄԵՆՊՐՍ: Իսլամական հեղափոխության պահապանների կորպուսը (ԻՀՊԿ, Իրանի զինված ուժերի ընտիր զորամասեր) հուլիսի 28-ին զինավարժանքներ Է սկսել Պարսից ծոցում՝ զորավարժությունների ընթացքում առաջին անգամ օգտագործվում Է «Նուր» ռազմական արբանյակից ստացված տեղեկատվությունը: Ինչպես տեղեկացնում Է «Արմենպրես»-ը, այդ մասին հաղորդել Է Fars գործակալությունը՝ վկայակոչելով ԻՀՊԿ-ի մամուլի ծառայությունը: Զինավարժանքները տեղի են ունենում կորպուսի ռազմատիեզերական եւ ռազմածովային ուժերի մասնակցությամբ:
Զորավարժությունների ընթացքում գործի կդրվեն ԻՀՊԿ-ի հետախուզական ստորաբաժանումները, ինչպես նաեւ անօդաչու թռչող ապարատներ: Ապրիլի 22-ին Իրանն արձակել Է իր առաջին ռազմական արբանյակը «Նուր» անվանումով: Ապարատը 425 կիլոմետր բարձրությամբ ուղեծիր Է դուրս բերվել «Քասեդ» տանող հրթիռի միջոցով, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում