Մակունցը հերքում է, թե «Իմ քայլը» խմբակցությունում միասնականության հետ կապված խնդիրներ կան
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: ՀՀ Ազգային ժողովի «Իմ քայլը» խմբակցության ղեկավար Լիլիթ Մակունցի խոսքով՝ խմբակցությունում գաղափարական և արժեքային հարցերում տարաձայնություններ չկան և չեն կարող լինել: «Արմենպրես»-ի փոխանցմամբ՝ այս մասին Մակունցն ասաց հուլիսի 27-ին հրավիրված մամուլի ասուլիսի ընթացքում, հերքելով այն տեղեկությունները, թե «Իմ քայլը» խմբակցությունում միասնականության հետ կապված խնդիրներ կան:
««Իմ քայլը» խմբակցությունը միասնականության հետ կապված որևէ խնդիր չունի: Դրա վառ ապացույցն են մեր դիրքորոշումներն առանձին հարցերի հետ կապված, այդ թվում՝ քվեարկության տեսքով: Գաղափարական և արժեքային հարցերում խմբակցությունում տարաձայնություններ չկան և չեն կարող լինել»,- ասաց Մակունցը:
Խմբակցության ղեկավարը նշեց, որ իրենք առանձին հարցերի շուրջ ունենում են բուռն քննարկումներ, ինչը նորմալ է և բնական:
Նորայր Շողիկյան
Բաժանորդագրվեք մեր ալիքին Telegram-ում