Ջոն Տրավոլտայի կինը՝ դերասանուհի Քելլի Փրեսթոնը, մահացել Է քաղցկեղից
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: 57 տարեկան հասակում կրծքագեղձի քաղցկեղից մահացել Է դերասանուհի Քելլի Փրեսթոնը: Այդ մասին, ինչպես տեղեկացնում Է «Արմենպրես»-ը, նրա ամուսինը՝ դերասան Ջոն Տրավոլտան, հայտնել Է Instagram-ում: «Ծանր սրտով հայտնում եմ, որ իմ գեղեցկուհի կինը՝ Քելլին, մահացել Է երկու տարի կրծքագեղձի քաղցկեղի դեմ պայքարելուց հետո»,-գրել Է Տրավոլտան: Նա նշել Է, որ մտադիր Է առաջիկայում իր ողջ ժամանակը նվիրել իրենց մորը կորցրած երեխաներին:
Փրեսթոնը եւ Տրավոլտան ամուսնացել են 1991 թվականին, նրանք ունեցել են երեք զավակ: Նրանց որդին՝ Ջեթը, մահացել Է 2009 թվականին ընկնավորության նոպայից հետո: Փրեսթոնն իր կարիերան սկսել Է 1983 թվականին եւ ճանաչում ստացել «Երկվորյակները» ու «Ջերրի Մագուայեր» ֆիլմերում խաղացած դերերով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում