1000х90.jpg (78 KB)

Երևանում՝ 11:07,   28 Մարտ 2024

«Գարդենիա», «Ինչ է տեսել պալատականը». Իրա Հարությունյանը բացել է նոր ներկայացումների փակագծերը

«Գարդենիա», «Ինչ է տեսել պալատականը». Իրա Հարությունյանը բացել է նոր 
ներկայացումների փակագծերը

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Դերասանուհի, ռեժիսոր Իրա Հարությունյանը Կ. Ս. Ստանիսլավսկու անվան ռուսական դրամատիկական թատրոնում բեմադրում է «Ինչ է տեսել պալատականը» ներկայացումը: Դերասանուհին նաև զբաղված է «Գարդենիա» բեմադրության մեջ, որը խաղալու են բացօթյա հարթակում:

«Արմենպրես»-ի հաղորդմամբ՝ Հարությունյանը ներկայացումների վերաբերյալ մանրամասներ է հայտնում թատրոնի «Ֆեյսբուք»-ի պաշտոնական էջում զետեղված տեսանյութում:

««Գարդենիա» ներկայացման բեմադրիչը Գոռ Մարգարյանն է: Սկզբում կարծում էինք, որ այն լավ կլինի մատուցել բեմում, բայց Մարգարյանը, տեսնելով թատրոնի բակը, որոշեց ներկայացումը պատրաստել այնտեղ»,-պատմեց Հարությունյանը՝ շեշտելով, որ ներկայացումը բացօթյա հարթակում խաղալու մտահղացումն առաջացել է շատ ավելի վաղ, քան մեր երկրում կհասցներ լայն տարածում գտնել կորոնավիրուսը:

Ռեժիսորն անդրադարձավ նաև Ջո Օրտոնի «Ինչ է տեսել պալատականը» ներկայացմանը, որի բեմադրիչն ինքն է: Հարությունյանը նշեց, որ հավանաբար շատ թատերասերների ծանոթ է պիեսի անվանումը, քանի որ  այն ավելի քան տասը տարի առաջ թատրոնում բեմադրել է Ալեքսանդր Գրիգորյանը:

«Ռուսական թատրոն վերադարձավ մեր արտիստներից Արմեն Արնաուտովը, որը տարիներ առաջ զբաղված է եղել այդ ներկայացման մեջ՝ փայլուն խաղալով իր դերը: Որոշվեց այս ներկայացումը ադապտացնել և այն պատրաստել բացօթյա հարթակում»,-ընդգծեց Հարությունյանը և հավելեց, որ կատակերգության մեջ զբաղված են դերասաններ Գրիգորի Կիրակոսյանը, Լենա Վարդանյանը, Աննա Մանուչարյանը, Արմեն Մարգարյանը և այլք:

Անժելա Համբարձումյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]