Օրվա զարկերակ
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Հուլիսի 11-ին աշխարհում նշվում է շոկոլադի համաշխարհային օրը։
Հուլիսի 11-ը աշխարհի բնակչության համաշխարհային օրն է:
552 թ. հուլիսի 11-ին սկսվել է Հայոց մեծ թվականը:
1825 թ. հուլիսի 11-ին ծնվել է Գաբրիել Սունդուկյանը՝ հայ դրամատուրգ, հասարակական գործիչ։ Ռեալիզմի սկզբնավորողներից մեկը հայ գրականության մեջ։
1911 թ. հուլիսի 11-ին ծնվել է Էդուարդ Թոփչյանը՝ հայ գրականագետ, բանասիրական գիտությունների թեկնածու (մահ. 1975 թ.):
1983 թ. հուլիսի 11-ին բացվեց Երևանի մետրոպոլիտենի «Սասունցի Դավիթ- Գործարանայինե հատվածը:
1848 թ. հուլիսի 11-ին Լոնդոնում բացվել է Վաթերլոո երկաթուղային կայարանը:
1859 թ. հուլիսի 11-ին Սանկտ Պետերբուրգում օծվել է Սբ. Իսահակի տաճարը:
1916 թ. հուլիսի 11-ին ծնվել է Ալեքսանդր Պրոխորովը՝ ռուս ֆիզիկոս, քվանտային էլեկտրոնիկայի ստեղծողներից, Նոբելյան մրցանակի դափնեկիր:
1937 թ. հուլիսի 11-ին մահացել է Ջորջ Գերշվինը՝ ամերիկացի նշանավոր կոմպոզիտոր, դաշնակահար, սիմֆոջազի ճանաչված ներկայացուցիչներից մեկը:
2010 թ. հուլիսի 11-ին Իսպանիայի ֆուտբոլի ազգային հավաքականն առաջին անգամ դարձավ աշխարհի չեմպիոն։
Մ. Ա.
Բաժանորդագրվեք մեր ալիքին Telegram-ում