Աննա Հակոբյանը ցույց է տվել, թե ինչպես են դիմավորելու որդուն
16:45, 9 Հուլիս 2020
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: ՀՀ վարչապետի տիկին Աննա Հակոբյանը ցույց է տվել, թե ինչպես են պատրաստվել դիմավորելու արդեն զորացրված որդուն՝ Աշոտ Փաշինյանին: «Արմենպրես»-ի հաղորդմամբ՝ Հակոբյանը լուսանկարներ է հրապարակել «Ֆեյսբուք»-ի իր էջում՝ կից գրելով. «Անհամբեր սպասում ենք Աշոտին»:
Աշոտին սպասում են փուչիկներով, տան դռան դիմաց փակցված է «Բարի գալուստ, զինվոր» գրությունը: Աննա Հակոբյանը հրապարակել է նաև տեսանյութ:
Ավելի վաղ «Ֆեյսբուք»-ի իր էջում տեսանյութ էր հրապարակել ՀՀ վարչապետ Նիկոլ Փաշինյանն ու գրել, որ որդին արդեն զորացրվել ու վերադառնում է տուն:
Բաժանորդագրվեք մեր ալիքին Telegram-ում