Ժամանակը Երևանում՝ 11:07:36,   10 Օգոստոս

Արսեն Թորոսյանն անդրադարձավ մահճակալային նոր ֆոնդի ծավալման գործընթացին

Արսեն Թորոսյանն անդրադարձավ մահճակալային նոր ֆոնդի ծավալման գործընթացին

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Սպիտակի բժշկական կենտրոնում կորոնավիրուսով հիվանդների համար ծավալված բոլոր 120 մահճակալները գրեթե զբաղված են։ Այդ մասին կառավարության նիստում նշեց Առողջապահության նախարար Արսեն Թորոսյանը։ «Դա նոր ծավալումներից ամենամեծն է։ Մարտունու բժշկական կենտրոնի ծավալումը գրեթե վերջնական է, բայց մի քանի տեխնիկական հարց կա, այսինքն՝ մոտ օրերս վերջնական կլինի։

Վերակենդանացման բաժանմունքների մասով մենք ունենք երեք սպասվող՝ Սուրբ Գրիգոր Լուսավորիչ, Միքայելյան վիրաբուժության և Էրեբունի բժշակական կենտրոններում։ Ես Էրեբունի ԲԿ վերակենդանացման բաժանմունք երեկ անձամբ եմ այցելել, այն գրեթե պատրաստ է և մեկ շաբաթից կծավալվի ամբողջությամբ։ Դա թույլ կտա ընդհանուր պրոֆիլի բոլոր պացիենտներին տեղափոխել այդ նոր բացվող, բայց հարաբերականորեն ավելի փոքր վերակենդանացման բաժանմունք՝ մոտ 25 մահճակալանոց, և այս պահին գործող մոտ 50 մահճակալանոց վերակենդանացման բաժանմունքն ամբողջությամբ տրամադրել կորոնավիրուսային հիվանդությանը»,- «Արմենպրես»-ի փոխանցմամբ, ասաց նախարարը։

Սուրբ Գրիգոր Լուսավորիչ ԲԿ ու Միքայելյան վիրաբուժության ինստիտուտի նոր վերակենդանացման բաժանմունքների ծավալումը շատ արագ չի լինի, որովհետև լայնավածավալ շինարարական աշխատանքներ են ընթանում, նշեց նախարարը։

«Ամեն դեպքում դրանք զրոյից են ստեղծվում։ Եվ մեր նախնական թիրախային ժամկետներն օգոստոսի կես, մինչև սեպտեմբեր է։ Եվ եթե ենթադրենք, որ ամբողջ աշխարհում ակնկալվում է նաև դեպքերի աշնանային աճ, ապա դա շատ տեղին ծավալում է»,- նշեց Արսեն Թորոսյանը։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ