Ժամանակը Երևանում՝ 11:07:36,   10 Օգոստոս

ԱԱԾ շենքի օտարումից ստացված միջոցների 50 տոկոսը կուղղվի համակարգի բնակարանային խնդիրների լուծմանը

ԱԱԾ շենքի օտարումից ստացված միջոցների 50 տոկոսը կուղղվի համակարգի 
բնակարանային խնդիրների լուծմանը

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Կառավարությունը թույլատրեց Տարածքային կառավարման և ենթակառուցվածքների նախարարության պետական գույքի կառավարման կոմիտեին՝ ՀՀ ԱԱԾ-ին ամրացված պետական սեփականություն հանդիսացող Երեւան, Քանաքեռ-Զեյթուն, Պ. Սեւակի փողոց 5/1 հասցեում գտնվող 6832.2 քմ մակերեսով հասարակական շենքը, ինչպես  նաեւ դրա զբաղեցրած, օգտագործման ու սպասարկման համար հատկացված 0.8083 հեկտար մակերեսով հողամասն օտարել մրցույթով: «Արմենպրես»-ի փոխանցմամբ, ՏԿԵ նախարար Սուրեն Պապիկյանը նշեց, որ մրցույթով օտարման ենթակա գույքի նվազագույն գին է սահմանվել գնահատված արժեքի 100 տոկոսի չափը՝ 2 062 100 320 դրամը։

«Գնորդը պարտավոր է նաև վճարել գույքի զբաղեցրած, օգտագործման ու սպասարկման համար հատկացված հողամասի կադաստրային արժեքը՝ 56 257 680 ՀՀ դրամը, ինչպես նաեւ գույքի արժեքի որոշման համար մատուցված ծառայությունների դիմաց նախատեսված 825 864 ՀՀ դրամ գումարը»,- ասաց նախարարը:

Մրցույթում հաղթողին որոշելու համար հիմք են ընդունվում օտարվող գույքի համար առաջարկվող գինը եւ գործարար ծրագրին համապատասխան իրականացվելիք ներդրումների չափը (գումարային արտահայտությամբ), մրցույթի մասնակիցների առաջարկների գնահատումն իրականացվում է հետեւյալ կշռային գործակիցներով՝ օտարվող գույքի համար առաջարկվող գին՝ 70%, ներդրումների չափը 30%։

Գույքի օտարման նպատակով առաջարկվող ներդրումների չափը պետք է ներկայացվի ըստ տարիների՝ նշելով ամեն տարվա ներդրման չափը եւ չի կարող գերազանցել երեք տարին։

Երևան քաղաքի գլխավոր հատակագծի (2005-2020թթ.) եւ գոտիավորման նախագծի քննարկվող հողամասը ներառված է հասարակական կառուցապատման (բուժական) գոտում եւ վերոնշյալ կառույցի հարկայնության վերաբերյալ սահմանափակումներ նախատեսված չեն։

Հողամասի գործառնական նշանակության փոփոխման արդյունքում հնարավոր է քննարկել առավել բարձր ծավալների կառուցապատման առաջարկ:

Տվյալ անշարժ գույքի օտարման արդյունքում պետական բյուջե մուտքագրման ենթակա գումարների 50 տոկոսը կուղղվի ԱԱԾ-ին՝ ծառայության աշխատակիցների նկատմամբ բնակարանի տրամադրման պարտավորություններն ապահովելու համար: 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ