Վերգետնյա հեռարձակողների հայկական ասոցիացիան պարետի հետ հանդիպում է ակնկալում
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Վերգետնյա հեռարձակողների հայկական ասոցիացիան հայտարարություն է տարածել՝ հայկական մի շարք հեռուստաընկերությունների եւ առանձին լրագրողների նկատմամբ պարետատան որոշմամբ վարչական վարույթներ հարուցելու դեպքերի վերաբերյալ։ «Արմենպրես»-ի հաղորդմամբ` ասոցիացիան, մտահոգություն հայտնելով դեպքերի առնչությամբ, դիմել է ՀՀ փոխվարչապետ, պարետ Տիգրան Ավինյանին` կազմակերպել հանդիպում հայկական հեռուստաընկերությունների ներկայացուցիչների հետ, վիճակը հանգամանալից քննարկելու եւ ելքեր գտնելու համար։
«Արձանագրում ենք, որ պահպանելով սոցիալական հեռավորություն, ողջ օրը մեր եթերներում քարոզելով դիմակ կրելու կարեւորությունն ու անհրաժեշտությունը, գրեթե դատարկ արտադրական տարածքներում հաղորդավարներին դիմակ կրել պարտադրելով, ֆիզիկական եւ գեղագիտական անհարմարություններ ենք պատճառում նրանց»,-նշված է հայտարարության մեջ։
Բաժանորդագրվեք մեր ալիքին Telegram-ում