Վահե Ջիլավյանն ընդունել է ԲԸՏՄ ղեկավարի ժամանակավոր պաշտոնակատարին
15:58, 8 Հուլիս 2020
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Շրջակա միջավայրի նախարարի պարտականությունները կատարող Վահե Ջիլավյանն ընդունել է Բնապահպանության և ընդերքի տեսչական մարմնի ղեկավարի ժամանակավոր պաշտոնակատար Գնել Հասրաթյանին։ «Արմենպրես»-ին այս մասին հայտնեցին ՀՀ շրջակա միջավայրի նախարարությունից։
Հանդիպման ընթացքում քննարկվել են երկու կառույցների համատեղ աշխատանքներին վերաբերող մի շարք հարցեր, այդ թվում՝ տնտեսվարողների կողմից ջրօգտագործման թույլտվություններով նախատեսված պարտավորությունների կատարման վերահսկողության վերաբերյալ։
Քննարկվել են նաև փոխգործակցության շրջանակի ընդլայնմանը և աշխատանքների արդյունավետության բարձրացմանն ուղղված այլ հարցեր։
Բաժանորդագրվեք մեր ալիքին Telegram-ում