Ինչպես վերականգնել դեգրադացված կերհանդակները, երբ ինքնավերականգնում այլեւս հնարավոր չէ
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ: «Հայաստանի Հանրապետություն» օրաթերթը գրում է. «Համավարակի այս պայմաններում աշխարհը գյուղատնտեսության ոլորտին նորովի է նայում, քանզի պարենային ապահովվածության հարցը կարեւոր է դառնում նաեւ զարգացած երկրների համար: Մեր գյուղատնտեսությանը նայելիս չենք կարող հայացք չգցել արոտավայրերին. դրանք են «պատասխանատու» մեր տնտեսության մի ամբողջական շղթայի համար: Իսկ մեր արոտավայրերի վիճակն այնքան էլ լավ չէ:
Մեր գյուղատնտեսական նշանակությամբ հողատեսքերի շուրջ 57 տոկոսը կազմում են բնական կերհանդակները (արոտավայրեր, խոտհարքեր): Արտադրական նպատակով բնական կերհանդակների զգալի հատվածներ վատթար վիճակում են, դրանց ընդհանուր արտադրողականությունն անհամեմատ ցածր է եւ հեռու է բավարար լինելուց: Սրան հավելած՝ դեգրադացիոն երեւույթներն ու հողածածկի էռոզացումը, որ բնապահպանական համակարգերի կայուն եւ օրինաչափ զարգացման լուրջ վտանգներ են ձեւավորել՝ ապահովելով նաեւ միտումներ հետագա հնարավոր անապատացման երեւույթների ձեւավորման եւ զարգացման համար»:
Այս ամենը նշված է «Դեգրադացված բնական կերհանդակների (արոտավայրերի եւ խոտհարքների) բարելավման ուղեցույցում» (Գագիկ Թովմասյան), որ մշակվել, փորձարկվել եւ հրատարակվել է գերմանական միջազգային համագործակցության ընկերության (GIZ) կողմից աջակցվող բնապահպանական ծրագրերի շրջանակներում՝ ՀՀ համագործակցությամբ:
Մեզ հետաքրքրեց մի հարց. Իսկ ինչ անել, երբ բնական կերհանդակն այնքան է ձեւախեղվել (դեգրադացվել), որ այլեւս սեփական ուժերով չի կարող ինքնավերականգնվել»:
Նյութն ամբողջությամբ կարդացեք թերթի այսօրվա համարում
Բաժանորդագրվեք մեր ալիքին Telegram-ում