Փարիզի վազքի մարաթոնը կրկին հետաձգվել է
17:19, 7 Հուլիս 2020
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Փարիզի վազքի մարաթոնը հետաձգվել է կորոնավիրուսի պանդեմիայի պատճառով:
«Արմենպրես»-ի հաղորդմամբ` այս մասին հայտնում են մրցաշարի կազմակերպիչները: Մարաթոնը հետաձգվել է մինչև ընթացիկ տարվա նոյեմբերի 15-ը: Ի սկզբանե այն պետք է կայանար մարտին, այնուհետև` հոկտեմբերին 18-ին: Նման որոշումը պայմանավորված էր հնարավորինս անվտանգ մարաթոն կազմակերպելու ցանկությամբ:
Ավելի վաղ հայտնի էր դարձել, որ Բոստոնի վազքի մարաթոնը 124 տարվա մեջ առաջին անգամ չեղարկվել է: Չեղարկման պատճառը կորոնավիրուսի պանդեմիան է: Մարաթոնը կանցկացվի վիրտուալ տիրույթում, և բոլոր մասնակիցներին հետ կվերադարձվեն մասնակցության հայտի համար վճարված գումարները:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում