Ժամանակը Երևանում՝ 11:07:36,   13 Օգոստոս

Վարդենիսում եւ Ճամբարակում պետական ծրագրերով կիրականացվեն բարեկարգման աշխատանքներ

Վարդենիսում եւ Ճամբարակում պետական ծրագրերով կիրականացվեն բարեկարգման 
աշխատանքներ

ԳԱՎԱՌ, 7 ՀՈՒԼԻՍԻ,ԱՐՄԵՆՊՐԵՍ: Գեղարքունիքի մարզպետարանում անցկացվել է «Վարձատրվող հասարակական աշխատանքներ» ծրագրի շրջանակներում նախատեսված աշխատանքների կազմակերպման նպատակով ստեղծված զբաղվածության աջակցության մարզային հանձնաժողովի հերթական նիստը:

Ինչպես «Արմենպրես»-ին տեղեկացրին Գեղարքունիքի մարզպետարանի տեղեկատվության եւ հասարակայնության հետ կապերի բաժնից, նիստը վարել է Գեղարքունիքի մարզպետի տեղակալ, զբաղվածության աջակցության մարզային հանձնաժողովի նախագահ Նարեկ Գրիգորյանը: Օրակարգում քննարկվել եւ  հաստատվել են ՀՀ  Վարդենիսի «Երկրորդ աշխարհամարտի զոհվածների հուշարձանի պուրակում ուղեգոտիների եվ սպասարկման հարթակի, հարակից խաղաղության հրապարակում 8 հատ քարե լուսասյուների կառուցում» եւ «Ճամբարակ քաղաքի կենտրոնական գերեզմանատան ցանկապատի վերանորոգում եւ տարածքի բարեկարգում» ծրագրերը:

Ներկայացված ծրագրերի մասին խոսել են Վարդենիսի եւ Ճամբարակի համայնքապետարանների ներկայացուցիչները՝  կարեւորելով համայնքներում դրանց իրականացումը, եւ միաժամանակ հավաստիացրել, որ այդ ծրագրերը կսկսվեն եւ կավարտվեն ըստ փաթեթում ներկայացված ժամկետների:
Նիստի ավարտին հանձնաժողովը Վարդենիս եւ Ճամբարակ համայնքների կողմից ներկայացված այս ծրագրերը հաստատելու որոշում է կայացրել:

Խոսրով Խլղաթյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ