«Ուրարտու»-ի չորս ֆուտբոլիստ հեռացել է ակումբից
17:46, 3 Հուլիս 2020
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: «Ուրարտու» ֆուտբոլային ակումբը երկկողմ համաձայնությամբ խզել է աշխատանքային պայմանագրերը 4 ֆուտբոլիստների հետ:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Պաշտպան Ռուբեն Ռամիրեսը, կիսապաշտպաններ Յուրիցա Գրգեցը, Մարկո Բրտանը և հարձակվող Սեմյոն Սինյավսկին նոր մրցաշրջանից հանդես չեն գա «Ուրարտուի» կազմում:
Ավելի վաղ հայտնի էր դարձել, որ եռօրյա հանգստից հետո «Ուրարտուն» վերադարձավ արձակուրդից ու սկսեց նոր մրցաշրջանի նախապատրաստությունը։ «Ուրարտուն» պարապմունքներն անկացնում է սեփական մարզաբազայում։
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում