Սիմֆոնիկ նվագախումբը Հայկ Մելիքյանի կատարմամբ առցանց կհնչեցնի Խաչատրյանի Դաշնամուրի կոնցերտը
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Հայաստանի պետական սիմֆոնիկ նվագախումբը շարունակում է առցանց համերգների շարքը։ Նվագախումբը հուլիսի 9-ին՝ ժամը 19:00-ին, «Ֆեյսբուք»-ի պաշտոնական էջում կներկայացնի Արամ Խաչատրյանի Դաշնամուրի կոնցերտը, որը կհնչի հանրահայտ դաշնակահար Հայկ Մելիքյանի կատարմամբ։
«Արմենպրես»-ի հաղորդմամբ`համերգը ղեկավարում է Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։
Առցանց ցուցադրության հատուկ հյուրերն են ԴասA կրթամշակութային նախագծի մասնակիցները։ Ցուցադրությանը կարող եք հետևել նաև «DAS A» հավելվածի միջոցով։
Պատանիների մշակութային կրթությանն ուղղված «ԴասA» նախագիծը միտված է կրթության բնագավառում նոր մոտեցումներով հանդես գալուն, ինչի շնորհիվ պատանիների շրջանում կհանրայնացվի դասական, ազգային արվեստը, կսերմանվեն բարձր արժեքներ:
Բաժանորդագրվեք մեր ալիքին Telegram-ում