«Ռեալը» հաղթեց Ռամոսի գոլի շնորհիվ
01:55, 3 Հուլիս 2020
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Իսպանիայի ֆուտբոլի առաջնության 33-րդ տուրի շրջանակում մրցեցին «Ռեալը» և «Խետաֆեն»:
«Արմենպրես»-ի հաղորդմամբ` մադրիդյան ակումբին չհաջողվեցառաջին կեսում ունեցած առավելությունը գոլի վերածել, սակայն հաշվի մեջ առաջ անցավ երկրորդ կեսի 79-րդ րոպեին: 11-մետրանոց հարվածով «արքայական ակումբին» առաջ մղեց թիմի ավագ Սերխիո Ռամոսը:
Այս հաղթանակից հետո «Ռեալը» ունի 74 միավոր և մրցաշարային աղյուսակի առաջատարն է: Երկրորդ տեղում ընթացող «Բարսելոնան» հավաքել է միայն 70 միավոր:
Իսպանիայի ֆուտբոլի առաջնության ավարտին մնացել է 5 տուր:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում