Վանաձորի թատրոնն առցանց կներկայացնի «Չար ոգի» բեմադրությունը
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Վանաձորի Հովհ. Աբելյանի անվան պետական դրամատիկական թատրոնը հուլիսի 4-ին առցանց կցուցադրի Ալ. Շիրվանզադեի «Չար ոգի» ներկայացումը:
«Արմենպրես»-ի հաղորդմամբ՝ թատերասերները բեմադրությունը կարող են դիտել ժամը 20:00-ին թատրոնի «Ֆեյսբուք»-ի պաշտոնական էջում:
Ներկայացման բեմադրության հեղինակն է թատրոնի գեղարվեստական ղեկավար ՀՀ ժողովրդական արտիստ Վահե Շահվերդյանը:
Շիվանզադեի «Չար ոգի» («Ցավագարը») ստեղծագործությունը լույս է տեսել 1894 թվականին «Հորիզոն» գրական ժողովածուում: Վիպակին անդրադարձել են ոչ միայն թատրոնում, այլև կինոյում: 1927 թվականին «Հայֆիլմ» կինոստուդիան վիպակի հիման վրա կինոնկար է ստեղծել. դրա հիմքում ընկնավորությամբ տառապող աղջկա՝ Սոնայի, ճակատագիրն է, որը դառնում է ամուսնու ընտանիքի նախապաշարումների զոհը:
Բաժանորդագրվեք մեր ալիքին Telegram-ում