Այսօր՝ հուլիսի 1-ին
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: 1991 թ. այս օրը ընդունվեց ՀՀ պետական օրհներգը՝ «Մեր Հայրենիքը»։
* 2006 թ. այս օրը տպագրվեց «Գրեթերթ» գրական-երիտասարդական ամսաթերթի առաջին համարը։
* 1908 թ. այս օրը «SOS»-ը դառնում է աղետի միջազգային ազդանշան:
* 1867 թ. այս օրը Կանադան հռչակեց իր անկախությունը։
* 1902 թ. այս օրը ծնվել է Ուիլյամ Ուայլերը՝ ամերիկացի ռեժիսոր, սցենարիստ։ Պատմության մեջ ամենաշատ «Օսկարի» ներկայացված ռեժիսորն է՝ 12 անգամ (մահ.՝ 1981 թ.)։
* 1903 թ. այս օրը շահագործման հանձնվեց Լանդվասսերի ուղեկամուրջը: 2008 թ. այն ընդգրկվել է ՅՈՒՆԵՍԿՕ-ի համաշխարհային ժառանգության ցանկում։
* 1938 թ. այս օրը ծնվել է Արշակ Մադոյանը՝ հայագետ, թարգմանիչ։
* 1938 թ. այս օրը ծնվել է Ալիսիա Թերզյանը՝ արգենտինահայ կոմպոզիտոր, դաշնակահարուհի և դիրիժոր:
* Հայաստանում նշվում է Դատախազության աշխատողների օրը:
Գիտե՞ք, որ...
* ԱՄՆ-ում բնակվում է Երկիր մոլորակի ամբողջ բնակչության 5 տոկոսը, իսկ կալանավայրերում են ամբողջ աշխարհի բանտարկյալների 25 տոկոսը՝ 2 մլն 200 հազար մարդ: Երկրորդ տեղը զբաղեցնում է Ռուսաստանը՝ 1 մլն 500 հազար բանտարկյալ: Երրորդ տեղում Չինաստանն է՝ 870 հազար բանտարկյալ:
* Ֆրանսիայի ամբողջ տարածքը գտնվում է 12 ժամային գոտիներում, ԱՄՆ-ն՝ 11, Ռուսաստանը՝ 9:
* Ռուսաստանում կա 21.000 տանկ, երկրորդ տեղը զբաղեցնում է ԱՄՆ-ն՝ 16.000 տանկ:
* Գրեթե բոլոր առումներով՝ մշակութային, տնտեսական, կլիմայական, ռասսայական, լեզվական, էթնիկ եւ կրոնական, Հնդկաստանը համարվում է ամենաբազմազան երկիրն աշխարհում:
* Ռուսաստանում իշխանություններն արգելել են էմոների գոյությունը, քանի որ նրանք համարվել են սպառնալիք ազգային կայունությանը։
* Եթովպիայի օրացույցը 7 տարի հետ է աշխարհի մյուս երկրների օրացույցներից։
* Նորվեգիայում ընդունված չէ երթուղայինում տեղը զիջել տարեց մարդկանց: Նրանք կարծում են, որ դու այդպիսով ընդգծում ես քո ֆիզիկական առավելությունը: Բայց երբեք չմոռանանք, որ մեզ մոտ` Հայաստանում, դա հարգանքի նշան է:
* Չինաստանում չի կարելի ծաղկեփունջ նվիրել տանտիկնոջը: Դա նշանակում է, որ նրա տունն այնքան տգեղ և անշուք է, որ դու ցանկանում ես մթնոլորտը փոխել:
* Չինաստանում 4 թվի հետ կապված ամեն բան ուղղակի անընդունելի է: Նրանք այդ թիվը համարում են մահվան խորհրդանիշ, անգամ հյուրանոցի համարներն այսպես են. 1 2 3 5 6:
* Թայլանդում թագավորական ընտանիքի անդամները իրար հետ շփվելու առանձին լեզու են ստեղծում: Դրա շնորհիվ ոչ ոք չի հասկանում նրանց խոսակցությունները:
Մ. Ա.
Բաժանորդագրվեք մեր ալիքին Telegram-ում