Բարի մարդկանց ևս կորոնավիրուսը չի շրջանցում. Գագիկ Ծառուկյանը վարակվել է
17:06, 30 Հունիս 2020
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: ՀՀ ԱԺ «Բարգավաճ Հայաստան» խմբակցության ղեկավար Գագիկ Ծառուկյանի մոտ հաստատվել է նոր տիպի կորոնավիրուս:
«Արմենպրես»-ի հետ զրույցում այս մասին ասաց Ծառուկյանի պաշտպան Էմին Խաչատրյանը:
«Ընդհանուր առմամբ ինքն իրեն լավ է զգում, սակայն 37.1 կամ 37.2 աստիճան ջերմություն է ունենում, երեկոյան մի փոքր բարձրացել էր: Ինձ հայտնել էին նաև, որ Գագիկ Ծառուկյանի մոտ թեթև թոքաբորբի ախտանշաններ են նկատվում»,- նշեց Խաչատրյանը:
ԼՐԱՑՈՒՄ. Գագիկ Ծառուկյանը ևս գրառում է կատարել «Ֆեյսբուք»-ի իր էջում։
«Փաստորեն բարի մարդկանց ևս կորոնավիրուսը չի շրջանցում։ Առողջություն բոլոր վարակակիրներին: Աստված պահապան մեզ բոլորիս»,- նշել է նա։
Ազգային ժողովի «Իմ քայլը» և «Բարգավաճ Հայաստան» խմբակցություններում կան նաև այլ վարակվածներ:
Լիլիթ Դեմուրյան
Բաժանորդագրվեք մեր ալիքին Telegram-ում