Ժամանակը Երևանում՝ 11:07:36,   13 Հուլիս

Պետական օժանդակության 20-րդ ծրագրում կատարվել են փոփոխություններ. ով կարող է աջակցություն ստանալ

Պետական օժանդակության 20-րդ ծրագրում կատարվել են փոփոխություններ. ով կարող 
է աջակցություն ստանալ

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Կորոնավիրուսի տնտեսական հետևանքները չեզոքացման 20-րդ ծրագրում կատարվել են փոփոխություններ:

«Արմենպրես»-ի հաղորդմամբ՝ այս մասին տեղեկացնում է ՀՀ կառավարության «Ֆեյսբուք»-ի էջը:

2020 թվականին հիմնադրված կամ 2020 թվականին գործունեության տեսակը փոխած միկրոձեռնարկատիրության սուբյեկտները շահառու հանդիսանալու համար պետք է https://dimum.ssa.am/ կայքում լրացնեն գործունեության հիմնական տեսակը կամավոր հայտարարագրելու մասին դիմում:

Միկրոձեռնարկատիրության սուբյեկտ համարվող տնտեսավարողների դեպքում հիմք են ընդունվում 2019 թվականի վերջին հաշվետու ժամանակաշրջանին վերաբերող հարկային հաշվարկում արտացոլված տնտեսական գործունեության տեսակների դասակարգչի կոդը և տեսակարար կշիռը:

«Ֆեյսբուք»-ի իր պաշտոնական էջում ՀՀ վարչապետ Նիկոլ Փաշինյանը գրել է, որ շահառուները կարող են դիմել հուլիսի 3-ից, իսկ վերջնաժամկետը հուլիսի 15-ն է:

«20-րդ ծրագրի միանավագ 68 000 դրամ աջակցությունից կարող են օգտվել այն քաղաքացիները, ովքեր մարտի 1-ից հունիսի 15-ը առնվազն 1 օր հանդիսացել են նշված ոլորտների վարձու աշխատողներ (քաղաքացիաիրավական պայմանագրով աշխատողներ) կամ անհատ ձեռնարկատերեր (հյուրանոցային և հյուրատնային ծառայություններ, հանրային սննդի ծառայություններ, նախադպրոցական կրթություն (մասնավոր մանկապարտեզներ), սպորտի բնագավառում գործունեություն (սպորտային ակումբներ, լողավազաններ), զվարճությունների և հանգստի կազմակերպման այլ գործունեություն, կինոթատրոնների, լուսանկարչության բնագավառում գործունեություն, ավտոմեքենաների և այլ առարկաների վարձույթ, կրթական գործունեություն մշակույթի, երաժշտության, սպորտի, պարի բնագավառում, ստեղծագործական, արվեստի և հանդիսադիր ներկայացումների կազմակերպման բնագավառում գործունեություն, խաղատների գործունեություն, առողջության վերականգնման կարիք ունեցող անձանց սոցիալական սպասարկում կացության ապահովմամբ»,- նշել է Փաշինյանը:

Նրա խոսքով՝ կատարված փոփոխությամբ այս ցանկին ավելացան նաև միկրոձեռնարկատիրության սուբյեկտները:

Փաշինյանը հայտնել է, որ, ըստ նախնական տվյալների, ծրագրից կօգտվի 37 հազար քաղաքացի, բյուջեն կազմում է 2.5 միլիարդ դրամ:

Դիմելով քաղաքացիներին՝ ՀՀ վարչապետը նշել է, որ պետք է միասին հաղթահարել կորոնավիրուսային ճգնաժամը ու վերադառնալ բարեկեցության կառուցման գործին և կառուցել Հայաստանը նորովի:

Լիլիթ Դեմուրյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ