Բռնցքամարտի պատանիների ԱԱ-ն այս տարի չի կայանա
12:28, 26 Հունիս 2020
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Բռնցքամարտի պատանիների աշխարհի առաջնությունը հետաձգվել է մեկ տարով:
«Արմենպրես»-ի հաղորդմամբ` այս մասին հայտնում է ՀԱՕԿ-ը: Լեհաստանի Կելցե քաղաքում նոյեմբերի 2- ին պետք է մեկնարկեր աշխարհի բռնցքամարտի պատանեկան առաջնությունը: ԱԻԲԱ-ն կորոնավիրուսի համավարակի պատճառով միջոցառումը հետաձգել է, և այն կանցկացվի 2021 թ․ ապրիլի 10-24-ը:
Կանոնակարգի համաձայն, առաջնությանը կարող են մասնակցել 2002թ․ հունվարի 1-ից մինչև 2003թ․ դեկտեմբերի 31-ը ծնված պատանիներն ու աղջիկները:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում