Չորրորդ զորամիավորումում հավաք-խորհրդակցություն է անցկացվել
18:18, 23 Հունիս 2020
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Չորրորդ զորամիավորման հրամանատար, գնդապետ Ա. Բուդաղյանի ղեկավարությամբ հունիսի 22-ին անցկացվել է ենթակա զորամասերի հրամանատարների հավաք-խորհրդակցություն։
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, ներկայացվել են առաջադրված խնդիրների լուծման հրամանատարական որոշումները, հաշվի առնելով զորամասերի հնարավորությունները՝ առաջարկվել են աշխատանքային նոր ուղղություններ։ Զորամիավորման հրամանատարն առանձնացրել է բացթողումները, հանձնարարականներ տվել դրանց շտկման ու առկա խնդիրների լուծման վերաբերյալ։
Բաժանորդագրվեք մեր ալիքին Telegram-ում