ՃՏՊ ՈՒջան գյուղի մոտակայքում․ կա զոհ
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ։ Ճգնաժամային կառավարման ազգային կենտրոն հունիսի 17-ին, ժամը 23։00-ին տեղեկություն է ստացվել, որ ՈՒջան գյուղի մոտակայքում տեղի է ունեցել ՃՏՊ, կա տուժած: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից։
Դեպքի վայր է մեկնել ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Աշտարակ-ՈՒջան ավտոճանապարհի 16-րդ կմ-ին «ԳԱԶել» մակնիշի բեռնատարը (վարորդ՝ Վանիկ Ս․, ծնված 1991 թ.) դուրս է եկել ճանապարհի երթևեկելի հատվածից, բախվել բետոնե արգելապատնեշին և կողաշրջվել․ վարորդը տեղում մահացել է:
Փրկարարները վարորդիդին մոտեցրել են շտապօգնության ավտոմեքենային, հոսանքազրկել ավտոմեքենան և փակել գազի բալոնի փականը:
Բաժանորդագրվեք մեր ալիքին Telegram-ում