Գագիկ Ծառուկյանի կալանքի միջնորդության քննությունը հետաձգվեց. այն տեղի կունենա վաղը
21:34, 17 Հունիս 2020
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ։ Երևանի ընդհանուր իրավասության դատարանի Շենգավիթի նստավայրում՝ նախագահությամբ Ռոբերտ Պապոյանի, հետաձգվեց «Բարգավաճ Հայաստան» կուսակցության նախագահ Գագիկ Ծառուկյանի կալանքի միջնորդության քննությունը։ «Արմենպրես»-ի փոխանցմամբ, Ծառուկյանի փաստաբան Երեմ Սարգսյանը լրագրողներին տեղեկացրեց, որ իրենց խնդրանքով է նիստը հետաձգվել։
«Ժամանակ ենք խնդրել քրեական գործին ծանոթանալու համար։ Դատական նիստը կշարունակվի վաղը 16:30-ին։ Գործի նյութերից որևէ տվյալ չունենք, որպեսզի մանրամասներ հայտնենք»,- ասաց Սարգսյանը։
Գագիկ Ծառուկյանը դատարանի շենքից դուրս եկավ և հեռացավ՝ առանց լրագրողների հարցերին պատասխանելու։
Բաժանորդագրվեք մեր ալիքին Telegram-ում