ՌԴ նախագահը հուլիսի 1-ից հետո ավանդական ուղիղ կապի միջոցով կպատասխանի քաղաքացիների հարցերին
14:43, 16 Հունիս 2020
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինի հետ ավանդական ուղիղ կապը կանցկացվիսահմանադրական փոփոխությունների վերաբերյալ քվեարկությունից հետո: «Արմենպրես»-ի հաղորդմամբ, «ՌԻԱ Նովոստի»-ն տեղեկացնում է, որ այս մասին հայտնել է նախագահի մամուլի քարտուղար Դմիտրի Պեսկովը:
«Կոնկրետ ժամկետի մասին մենք կհայտնենք հավելյալ: Ասեմ, որ դա կլինի ամբողջական ֆորմատով ուղիղ կապ՝ շփում քաղաքացիների հետ»,- ասել է Կրեմլի ներկայացուցիչը:
Պատասխանելով ճշտող հարցին, նա ընդգծել է, որ մինչ քվեարկությունը նախագահը չի պլանավորում ուղիղ կապ անցկացնել:
Ռուսաստանի Դաշնությունում Սահմանադրության փոփոխությունների վերաբերյալ քվեարկությունը կանցկացվի հուլիսի 1-ին:
Բաժանորդագրվեք մեր ալիքին Telegram-ում