1000х90.jpg (78 KB)

Երևանում՝ 11:07,   28 Մարտ 2024

Գավառ քաղաքում ասֆալտապատվում է երեք փողոց  

Գավառ քաղաքում ասֆալտապատվում է երեք փողոց

 

ԳԱՎԱՌ, 11 ՀՈՒՆԻՍԻ, ԱՐՄԵՆՊՐԵՍ: Գավառ քաղաքում ՀՀ կառավարության կողմից իրականացվող սուբվենցիոն ծրագրերի շրջանակներում ասֆալտապատվում են Արծրունի եղբայրներ, Դաշտոյան եւ Թումանյան փողոցները:

Ինչպես «Արմենպրես»-ին տեղեկացրեցին Գավառի քաղաքապետարանից, ծրագրի պայմանագրային արժեքը կազմում է 138 միլիոն 498 հազար դրամ, որի 60 տոկոսը կամ 83 միլիոն 98 հազար դրամը հատկացրել է ՀՀ կառավարությունը, 40 տոկոսը կամ 55 միլիոն 399 հազար դրամը՝ Գավառի համայնքապետարանը: Ծրագիրը մեկնարկել էր նախորդ տարվա ընթացքում:

«Քաղաքի համար շատ կարեւոր ծրագիր է իրականացվում: Նշյալ փողոցները հիմնանորոգման չէին ենթարկվել տասնամյակներ շարունակ, դրանց շահագործումն օր օրի դժվարանում էր, տրանսպորտային երթեւեկությունը մեծ դժվարությամբ էր իրականացվում: Շուտով մենք այս հատվածներում կունենանք միանգամայն բարեկարգ ու ժամանակակից փողոցներ»,- նշեց Գավառի քաղաքապետ Գուրգեն Մարտիրոսյանը:

Շինարարական աշխատանքները վերսկսվել են այս տարվա ապրիլի կեսերից: Դրանք իրականացնող «Գավառի ՃՇՇ» ԲԲԸ գլխավոր ինժեներ Բաղդասար Նազեյանի տեղեկացմամբ՝ ասֆալտապատվող ճանապարհների ընդհանուր երկարությունը կազմում է 1 100 գծամետր, մակերեսը՝ մոտ 8 հազար քառակուսի մետր: Մոտ 6 հազար քառակուսի մետր էլ կազմում է ասֆալտապատ մայթերի մակերեսը: «Հունիսի 8-ի դրությամբ կատարվել է ընդհանուր աշխատանքների մոտ 80 տոկոսը: Եթե եղանակային պայմանները թույլ տան, առաջիկա տասն օրում կավարտենք բոլոր աշխատանքները»,- հավաստեց Բաղդասար Նազեյանը:

Խոսրով Խլղաթյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]