Խաչանովը վերսկսել է մարզումները կորտում
ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Հայկական արմատներով ռուս թենիսիստ Կարեն Խաչանովը վերսկսել է մարզումները կորտում:
«Արմենպրես»-ի հաղորդմամբ` այս մասին Ինստագրամի իր էջում գրել է թենիսիստը: «Վերջապես վերադարձա կորտ»,-գրել է Խաչանովը։
Ավելի վաղ հայտնի էր դարձել, որ թենիսի Մեծ սաղավարտի տարվա 4 մրցաշարերից Ռոլան Գարոսը` Ֆրանսիայի բաց առաջնությունը, կրկին կհետաձգվի: Ռոլան Գարոսը կորոնավիրուսի պանդեմիայի պատճառով կարող է հետաձգվել ևս մեկ շաբաթով: Ի սկզբանե այն պետք է անցկացվեր մայիսի 25-ից հունիսի 7-ը, սակայն հետաձգվեց մինչև սեպտեմբերի 20-ը: Այժմ կմեկնարկի սեպտեմբերի 27-ին և կեզրափակվի հոկտեմբերի 4-ին: Կորոնավիրուսի պանդեմիայի պատճառով անորոշ ժամանակով հետաձգվել կամ չեղարկվել են բազմաթիվ միջազգային մրցաշարեր:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում