1000х90.jpg (78 KB)

Երևանում՝ 11:07,   29 Մարտ 2024

Համայնքներում կուժեղացվի բնապահպանական կրթության և դաստիարակության դերը

Համայնքներում կուժեղացվի բնապահպանական կրթության և դաստիարակության դերը

ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: ՀՀ Ազգային ժողովն առաջին ընթերցմամբ ընդունեց «Տեղական ինքնակառավարման մասին» Հայաստանի Հանրապետության օրենքում փոփոխություն և լրացումներ կատարելու մասին օրենքի նախագիծը, որի նպատակն է՝ համայնքներում ուժեղացնել բնապահպանական կրթության և դաստիարակության դերը: «Արմենպրես»-ի փոխանցմամբ՝ նախագիծն Ազգային ժողովի նիստում ընդունվեց 102 «կողմ» և 2 «ձեռնպահ» ձայներով:

Առաջարկվող փոփոխություններով կկատարելագործվի բնապահպանական կրթության և դաստիարակության համակարգի օրենսդրական դաշտը` ՀՀ տնտեսական և կրթական բարեփոխումներին ներդաշնակ և «Կրթություն` հանուն կայուն զարգացման ռազմավարության» սկզբունքներին համահունչ՝ նպատակ ունենալով ուժեղացնելու բնապահպանական կրթության և դաստիարակության դերը:

Օրենքի նախագիծն Ազգային ժողովում ներկայացնելիս, Շրջակա միջավայրի փոխնախարար Իրինա Ղափլանյանը նշեց, որ Հայաստանում մեծ նշանակություն է տրվում էկոլոգիական կրթությանը և դաստիարակությանը: Բնապահպանական ուղղվածության կոնվենցիաներով Հայաստանը ստանձնել է միջազգային պարտավորություններ, ինչպիսիք են` բնապահպանական հիմնախնդիրների և դրանց լուծման ուղիների վերաբերյալ հասարակության իրազեկության բարձրացումը, համապատասխան կադրերի պատրաստումը, վերապատրաստումը և էկոլոգիական կրթության խթանումը:

Նորայր Շողիկյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]