Սերիա Ա-ն կարող է անցկացվել նոր ձևաչափով
11:16, 3 Հունիս 2020
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Իտալիայի ֆուտբոլի առաջնության հաջորդ մրցաշրջանը կարող է անցկացվել այլ ֆորմատով:
«Արմենպրես»-ի հաղորդմամբ` այս մասին գրում է La Repubblica-ն: Ըստ պարբերականի, հաջորդ մրցաշրջանի ձևաչափը կփոխվի, եթե 2020/21 մրցաշրջանը չմեկնարկի մինչև սեպտեմբերի 12-ը: Թիմերը կբաժանվեն երկու ենթախմբի` յուրաքանչյուրում 10-ական թիմով, և լավագույնները կխաղան փլեյ-օֆֆում:
Ավելի վաղ հայտնի էր դարձել, որ Սերիա Ա-ն պաշտոնապես կվերսկսվի հունիսի 20-ին: Իտալիայի կառավարությունը ֆուտբոլային ակումբներին թույլատրել է վերսկսել խմբային մարզումները:
Կորոնավիրուսի պանդեմիայի պատճառով Իտալիայի առաջնությունը դադարեցվել է մարտի 13-ին:Վերսկսվելու դեպքում այն կանցկացվի առանց հանդիսականների:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում