Ժամանակը Երևանում՝ 11:07:36,   9 Հուլիս

Մեկ շաբաթ ուշ բուժօգնության դիմած քաղաքացին մոտ 50 օր միացված է թոքերի արհեստական օդափոխման սարքին

Մեկ շաբաթ ուշ բուժօգնության դիմած քաղաքացին մոտ 50 օր միացված է թոքերի 
արհեստական օդափոխման սարքին

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Մեկ շաբաթ ուշ բուժօգնության դիմած քաղաքացին ապրիլի 15-ից միացված է թոքերի արհեստական օդափոխման սարքին: «Արմենպրես»-ի փոխանցմամբ՝ այս մասին հունիսի 2-ին հրավիրված մամուլի ասուլիսի ընթացքում ասաց Այրվածքաբանության ազգային կենտրոնի տնօրեն Գևորգ Սիմոնյանը, ով ժամանակավորապես գործուղվել է Սուրբ Աստվածամայր բժշկական կենտրոն՝ որպես ինֆեկցիոն մասնաճյուղի կառավարիչ:

«Քաղաքացիներից մեկը 1 շաբաթ ուշ էր դիմել բուժօգնության: Բժշկական հաստատություն էր տեղափոխվել արդեն երկկողմանի ծանր թոքաբորբով: Ապրիլի 15-ից գտնվում է թոքերի արհեստական օդափոխության սարքին, արդեն 50 օրից ավելի»,- ասաց Սիմոնյանը:

Գևորգ Սիմոնյանը նշեց, որ բուժաշխատողներն անում են ամենը վերջինի կյանքը փրկելու համար:

Հայաստանում հունիսի 2-ին, ժամը 11:00-ի դրությամբ հաստատվել է կորոնավիրուսային հիվանդության ընդհանուր 10009 դեպք, որոնցից 3427-ն` առողջացած: Կորոնավիրուսային հիվանդությամբ այս պահին փաստացի բուժում է ստանում 6368 պացիենտ: Ընդհանուր առմամբ, կատարվել է  59 917 թեստավորում: Ընդհանուր առմամբ, կորոնավիրուսային հիվանդությունից արձանագրվել է մահվան 158 դեպք:

Կառավարությունը մայիսի 14-ին որոշում է կայացրել ՀՀ-ում 2020 թվականի մարտի 16-ին հայտարարված և մինչև մայիսի 14-ը երկարաձգված արտակարգ դրության ժամկետը 2020 թվականի մայիսի 14-ից՝ ժամը 17:00-ից երկարացնել ևս 30 օրով՝ մինչև 2020 թվականի հունիսի 13-ը՝ ժամը 17:00-ն ներառյալ ժամկետով:

Նորայր Շողիկյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ