Ժամանակը Երևանում՝ 11:07:36,   7 Հուլիս

«Հայաստանի Հանրապետություն» օրաթերթ․ Արցախի նոր կառավարությունը գրեթե ձեւավորված է

«Հայաստանի Հանրապետություն» օրաթերթ․ Արցախի նոր կառավարությունը գրեթե 
ձեւավորված է

ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: «Վերջին օրերին ԱՀ նախագահի ստորագրած հերթական հրամանագրերի հրապարակմամբ գրեթե ամբողջացավ կառավարության նոր կազմը, եւ՛ ըստ ոլորտների, եւ՛ ուղղությունների ուրվագծվեցին նախարարությունների ու գերատեսչությունների գործունեության առաջնահերթությունները: Դա մասնավորապես ակնհայտ դարձավ քաղաքական ղեկավար պաշտոններում՝ թիմակիցներին ներկայացնելու ժամանակ, երբ Արայիկ Հարությունյանը, խոսելով պետության եւ ժողովրդի առջեւ ունեցած  պատասխանատվության մասին, որպես Արցախի անվտանգության եւ զորացման երաշխիք եւս մեկ անգամ կարեւորեց անցումային շրջանում համերաշխության, միասնության եւ հանդուրժողականության անհրաժեշտությունը:

Հավատարիմ մնալով հանուն համերաշխության մթնոլորտի բոլորին ձեռք մեկնելու իր սկզբունքներին, Ա. Հարությունյանը մերժում է առճակատման տանող ցանկացած երեւույթ, եւ կադրային փոփոխությունների անհրաժեշտությունը դիտարկում ոչ ինքնանպատակ վճիռ: Հենց այդ սկզբունքով է նա առաջնորդվել՝ պատասխանատու երկու պաշտոններում նշանակելով իր գլխավոր մրցակիցներին: Եթե արտաքին քաղաքական գերատեսչության ղեկավարի պաշտոնը վստահվել է Մասիս Մայիլյանին, ապա ԱՀ Անվտանգության խորհրդի քարտուղար է նշանակվել «Միասնական հայրենիք» կուսակցության առաջնորդ Սամվել Բաբայանը, ով ներկայացնում է երկրորդ մեծաթիվ քաղաքական ուժը երկրի նորընտիր խորհրդարանում: Պատահական չէ, որ նա, որպես  «Ազատ Հայրենիք-ՔՄԴ» կուսակցությունների դաշինքի ղեկավար, համագործակցության հուշագիր է ստորագրել Ս. Բաբայանի հետ»:

             Նյութն ամբողջությամբ կարդացեք թերթի վաղվա համարում։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ