«Ֆորմուլա-1»-ի Բրազիլիայի Գրան Պրին կարող է անցկացվել երկրպագուների մասնակցությամբ
ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Ավտոմրցաշարի աշխարհի առաջնության՝ «Ֆորմուլա-1»-ի Բրազիլիայի Գրան Պրին կարող է անցկացվել հանդիսականների մասնակցությամբ:
«Արմենպրես»-ի հաղորդմամբ` այս մասին հայտնում է Գրան Պրիի մամուլի ծառայությունը: Բրազիլական Գրան Պրին պետք է կայանա ընթացիկ տարվա նոյեմբերի 13-15-ը: Կազմակերպիչները շարունակում են նույնությամբ նախապատրաստվել մրցաշարին՝ ինչպես նախորդ տարիներին, և լիահույս են, որ կկարողնան Գրան Պրին անցկացնել հանդիսականների մասնակցությամբ:
Կորոնավիրուսի պանդեմիայի պատճառով չեղարկվել է Մոնակոյի Գրան պրին և անորոշ ժամանակով հետաձգվել են Ավստրալիայի, Բահրեյնի, Վիետնամի, Կանադայի, Չինաստանի, Նիդեռլանդների, Իսպանիայի, Ադրբեջանի, Մոնակոյի, Հունգարիայի Գրան պրիները:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում