«Տոտենհեմ»-ը չի գնի Ֆիլիպե Կոուտինյոյի տրանսֆերը
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Անգլիական «Տոտենհեմ»-ը հրաժարվել է Ֆիլիպե Կոուտինյոյին ձեռք բերելու ցանկությունից:
«Արմենպրես»-ի հաղորդմամբ` այս մասին գրում է Marca-ն: «Տոտենհեմ»-ը բավարար միջոցներ չունի ձեռք բերելու բրազիլացի կիսապաշտպանին, քանի որ կորոնավիրուսի պանդեմիայի այս շրջանում ֆինանսական կորուստներ ունի: Բացի տրանսֆերի գումարից, «Տոտենհեմ»-ը չի կարող վճարել նաև ֆուտբոլիստի աշխատավարձը:
Կոուտինյոն 2019 թվականի օգոստոսին վարձավճարով «Բարսելոնա»-ից տեղափոխվել էր «Բավարիա»:Այժմ բրազիլացի ֆուտբոլիստով հետաքրքրված է Լոնդոնի «Չելսի»-ն:
Ավելի վաղ տեղեկություններ կային, որ երեք անգլիական ակումբներ` «Մանչեսթեր Յունայթեդ»-ը, «Տոտենհեմ»-ը և «Լեսթեր»-ը, ցանկանում են իրենց կազմում տեսնել բրազիլացուն:
Կոուտինյոն 2018 թվականին «Լիվերպուլ»-ից տեղափոխվել էր «Բարսելոնա», այն ժամանակ ակումբիհամար ռեկորդային 145 միլիոն եվրոյի դիմաց:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում