Մյունխենգլադբախի «Բորուսիա»-ն հերթական հաղթանակից հետո 3-րդն է Բունդեսլիգայում
19:53, 31 Մայիս 2020
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Գերմանական Բունդեսլիգայի 29-րդ տուրի շրջանակներում Մյունխենգլադբախի «Բորուսիա»-ն տանը հյուրընկալեց «Ունիոն Բեռլին»-ին:
«Արմենպրես»-ի հաղորդմամբ` «Բորուսիա»-ի ֆուտբոլիստներին հաջողվեց 4 գնդակ ուղարկել բեռլինյան ակումբի դարպասը` սեփականն ընդունելով միայն մեկը: «Բորուսիա»-ի կազմում դուբլի հեղինակ դարձավ Մարկու Տյուրամը, մեկական անգամ էլ աչքի ընկան Ֆլորիան Նոյհաուն և Ալասան Պլեան: «Ունիոն Բեռլին»-ից միակ գնդակը հեղինակեց Սեբաստիան Անդերսոնը:
Այս հաղթանակից հետո Մյունխենգլադբախի «Բորուսիա»-ն մրցաշարային աղյուսակում երրորդն է 56 միավորով: «Ունիոն Բեռլին»-ը 14-րդ տեղում է 31 միավորով:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում