ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ։ «Հայ ժողովրդի նոր պատմության մեջ անգնահատելի է Դրաստամատ Կանայանի՝ Դրոյի ներդրումը: Լինելով հմուտ զորավար եւ ռազմաքաղաքական բարձր մտածողության տեր գործիչ՝ Դրոն վճռորոշ մասնակցություն է ունեցել 20-րդ դարի սկզբի ճակատագրական գրեթե բոլոր իրադարձություններում՝ Հայոց պատմության էջերը հարստացնելով հաղթանակներով եւ հայապահպանությանն ուղղված այլ իրադարձություններով:

Ծնվել է 1883 թ. մայիսի 31-ին  Սուրմալու գավառի Իգդիր քաղաքում, որտեղ մանուկ տարիքից իրենց տանը կազմակերպվող հավաքների ժամանակ մշտապես զգացել է հայկական շունչը։ 1905 թ. հայ բնակչության կոտորածների լուրը Դրոյին դաշնակցական հայդուկների հետ միասին, Նիկոլ Դումանի ղեկավարությամբ հասցրեց Բաքու: Կուսակցության նախաձեռնությամբ նա սպանել է հայ բնակչության կոտորածների կազմակերպիչ Բաքվի նահանգապետ Նակաշիձեին: 21 տարեկան երիտասարդ  Դրոյին Նիկոլ Դումանը  վստահում է հայ ժողովրդի պաշտպանության պատասխանատու գործը։ Բաքվից հետո Դրոն մասնակցում է Երեւանի, Նախիջեւանի Զանգեզուրի եւ Արցախի հայերի պաշտպանության մարտերին, որոնցից միշտ դուրս է եկել հաղթանակով:

1914 թ. Առաջին աշխարհամարտի  օրերին Դրոն ցարական Ռուսաստանի զորքերի 2-րդ գնդի հրամանատարն էր եւ արդեն հաջողությամբ մարտնչում էր թուքական կանոնավոր բանակի դեմ:  1915 թ. կամավորական զորագնդի գլուխ անցած Դրոն մտնում է Վան: Նրա հրամանատարությամբ բոլոր մարտերն այստեղ նույնպես ունենեցան փայլուն ելքեր։

1918 թ. մարտին Հայոց ազգային խորհուրդը նրան նշանակեց Հայոց բանակային կորպուսի ռազմական կոմիսար, իսկ արդեն մայիսի 23-ին Դրոն մղեց մեր պատմության փառահեղ ճակատամարտերից մեկը՝ Բաշ Ապարանը...»:

Նյութն ամբողջությամբ կարդացեք թերթի այսօրվա համարում։