Ժամանակը Երևանում՝ 11:07:36,   5 Հուլիս

1991թ-ից սկսած տեղի ունեցած իրավախախտումներն ուսումնասիրելու համար կստեղծվի փաստահավաք խումբ

1991թ-ից սկսած տեղի ունեցած իրավախախտումներն ուսումնասիրելու համար 
կստեղծվի փաստահավաք խումբ

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Հայաստանում նախատեսվում է ստեղծել փաստահավաք խումբ, որը կզբաղվի, օրինակ, 1991 թվականից սկսած տեղի ունեցած ընտրությունների, հանրաքվեների կեղծումների և այլ իրադարձությունների մասին փաստերի հավաքագրմամբ, սեփականությունից ապօրինի զրկման դեպքերի մասով փաստահավաք առաքելությամբ: «Արմենպրես»-ի հաղորդմամբ՝ այս մասին ասաց ՀՀ արդարադատության նախարար Ռուստամ Բադասյանը՝ ԱԺ-ում կառավարության անդամների հետ հարց ու պատասխանի ժամանակ՝ պատասխանելով «Իմ քայլը» խմբակցության պատգամավոր Նազելի Բաղդասարյանի հարցին:

«Փաստահավաք խմբի ստեղծումը անցումային արդարադատության, այսինքն՝ դատաիրավական ռազմավարությամբ նախատեսված մեր ուղղություններից մեկի հերթական իրագործումն է: Օրենքի նախագիծը նոր է դրվել հանրային քննարկման: Հիմնական էությունն այն է, որ առանձին մարմին է ձևավորվելու, որն ունենալու առանձին ֆինանսավորում պետական բյուջեի մասին օրենքով: Դրա ֆունկցիան է լինելու մի քանի ուղղություններով փաստահավաք առաքելության իրականացումը: Դա ՀՀ-ում 1991 թվականից սկսած տեղի ունեցած ընտրությունների կեղծումների, հանրաքվեների կեղծումների և այլ իրադարձությունների մասին փաստերի հավաքագրումն է, դրա հիման վրա եզրահանգումների իրականացումը, հետագա քայլերի իրականացումը, օրինակ ինչպես ռեֆորմներ իրականացնել, ինչ վերահսկողական գործիքներ ներդնել՝ ապագայում նման բացասական երևույթները բացառելու համար: Հաջորդ ուղղությունը սեփականությունից ապօրինի զրկման դեպքերի մասով փաստահավաք առաքելություն անելն է, և դրա հիման վրա որոշելը տուժողների, տուժողների իրավահաջորդների շրջանակը և պետության կողմից այդ մասով գործողությունները»,-ասաց նախարարն ու նշեց՝ դա կարող է լինել ֆինանսական փոխհատուցումների տեսքով

Օրենքի նախագծով թվարկված են այն բոլոր մյուս ոլորտները, որտեղ փաստահավաք առաքելություն է լինելու: Փաստահավաք առաքելություն է լինելու նաև զինված ուժերում մահվան դեպքերի կապակցությամբ  և այլն:

Աննա Գրիգորյան

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ