Ժամանակավորապես անհասանելի է ճանապարհային ոստիկանության 177 թեժ գծի հեռախոսահամարը
11:58, 27 Մայիս 2020
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ։ ՀՀ ոստիկանությունը հայտնում է, որ կապի տեխնիկական խափանումների հետևանքով ժամանակավորապես անհասանելի է ճանապարհային ոստիկանության 177՝ թեժ գծի հեռախոսահամարը: «Արմենպրես»-ի փոխանցմամբ՝ ոստիկանությունն այս մասին հաղորդագրություն է տարածել․
«Խնդրում ենք Երևանում վթարների դեպքում ժամանակավորապես զանգահարել 010 563294, իսկ մարզերում վթարների դեպքում` 011 544698 հեռախոսահամարով, կամ զանգահարել տարածքային ոստիկանության բաժիններ:
Կապի վերականգնման դեպքում կտրամադրվի հավալյալ տեղեկատվություն»,- ասված է հաղորդագրության մեջ:
Բաժանորդագրվեք մեր ալիքին Telegram-ում