Կորոնավիրուսով վարակված անձանցից 250-ի վիճակը գնահատվում է ծանր, 48-ինը՝ ծայրահեղ ծանր
09:55, 26 Մայիս 2020
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ։ Հայաստանում կորոնավիրուսով վարակված անձանցից 250-ի վիճակը գնահատվում է ծանր, 48-ինը՝ ծայրահեղ ծանր, իսկ 16 պացիենտ միացված է թոքերի արհեստական սարքերի։
«Արմենպրես»-ի հաղորդմամբ՝ այս մասին հայտնել է ՀՀ առողջապահության նախարար Արսեն Թորոսյանը։
Հայաստանում մայիսի 25-ի ժամը 11-ի դրությամբ հաստատվել է կորոնավիրուսային հիվանդության 7113 դեպք, որոնցից 3145 -ն` առողջացած: Թեստավորվել է 51 594 քաղաքացի։ Այս պահին փաստացի բուժում է ստանում 3842 պացիենտ, արձանագրվել է մահվան 87 դեպք:
Արձանագրվել է նաև մահվան 39 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։
Կառավարությունը մայիսի 14-ին որոշում է կայացրել ՀՀ-ում մարտի 16-ից հայտարարված արտակարգ դրության ժամկետը երկարաձգել ևս 30 օրով՝ մինչև հունիսի 13-ի ժամը 17:00-ն:
Լիլիթ Դեմուրյան
Բաժանորդագրվեք մեր ալիքին Telegram-ում