Ժամանակը Երևանում՝ 11:07:36,   7 Հուլիս

«Հայաստանի Հանրապետություն» օրաթերթ․ «Ես մնում եմ հայ, բայց եվրոպացի հայ, ոչ ասիացի հայ»

«Հայաստանի Հանրապետություն» օրաթերթ․ «Ես մնում եմ հայ, բայց եվրոպացի հայ, ոչ 
ասիացի հայ»

ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: «Մշակույթը համամարդկային արժեք է, եւ զարմանալի չէ ոգեւորությունը ստեղծագործողի, երբ մտքում պտտվող հղացումը կնքվում է դարերի փորձություններով անցած կնիքով ու կյանքի կոչվում, մանավանդ, երբ այն համընկնում է սեփական մշակութային ռազմավարության հետ։ «Կարեւոր չէ, թե ինչպես կտատանվեմ տարբեր լեզուների միջեւ,- գրում է Խաչատրյանը,- ես մնում եմ հայ, բայց եվրոպացի հայ, ոչ ասիացի հայ: Ուրիշ հայ կոմպոզիտորների հետ մենք կստիպենք Եվրոպային եւ աշխարհին լսելու մեր երաժշտությունը: Եվ երբ նրանք լսում են մեր երաժշտությունը, մարդիկ վստահորեն ասում են. «Պատմե՛ք մեզ այդ ժողովրդի մասին, ցու՛յց տվեք երկիրը, որ այդպիսի արվեստ է ստեղծում»»։ Եվ Խաչատրյանը` երաժշտության մեջ բացելով սեփական` արքայական ճանապարհը, սեփակա՛ն կնիքը դրեց այն բոլոր ստեղծագործությունների վրա` անկախ ծագումից ու աշխարհագրությունից, որ կյանքի կոչեց կամ մասնակցությունն ունեցավ դրան` ստեղծելով յուրատեսակ` Խաչատրյանական ոճ, այն, որ անմիջապես մատնացույց է անում Հայաստան աշխարհը, բնությունը, ուր հաստատված է այն եւ մարդկանց, որ ապրում ու արարում են արեւի տակ, որ բարձրանում է Հայկական լեռնաշխարհի վրա ու հիշեցնում Նոյի բաց թողած աղավնու մասին, որ թեւածում է աշխարհով մեկ` խաղաղության ու ավետիսի ձիթենու ճյուղը կտուցին»։

                     Նյութն ամբողջությամբ կարդացեք թերթի վաղվա համարում։





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ