Ժամանակը Երևանում՝ 11:07:36,   4 Հուլիս

Միջգերատեսչական հաձնաժողովը հաստատել է Գեղարքունիքի մարզից ներկայացված 45 սուբվենցիոն ծրագրեր

Միջգերատեսչական հաձնաժողովը հաստատել է Գեղարքունիքի մարզից ներկայացված 
45 սուբվենցիոն ծրագրեր

ԳԱՎԱՌ, 25 ՄԱՅԻՍԻ, ԱՐՄԵՆՊՐԵՍ։  Ծրագրային հայտերի գնահատման միջգերատեսչական հանձնաժողովի 2020 թվականի մայիսի 15-ին կայացած  հերթական նիստի ընթացքում Գեղարքունիքի մարզից ներկայացված հայտերից քննարկվել եւ հավանության  են արժանացել   եւս 12   սուբվենցիոն ծրագիր: Ինչպես «Արմենպրես»-ին տեղեկացրին Գեղարքունիքի մարզի զարգացման ծրագրերի, զբոսաշրջության եւ վերլուծության բաժնից, ընդհանուր առմամբ, մայիսի 25-ի դրությամբ Միջգերատեսչական հանձնաժողովի կողմից Գեղարքունիքի մարզի համար հաստատվել է 45 ծրագրային հայտ, իսկ 91 ծրագրային հայտ դեռ սպասում են քննարկման եւ հաստատման:

Վերջին նիստի ժամանակ սուբվենցիաներ ստանալու համար հավանության են արժանացել             Ծաղկունք համայնքի «Ճաշարանային մասնաշենքի ներքին հարդարման կապիտալ վերանորոգում /2-րդ փուլ/», Ծովինար համայնքի «3-րդ թաղամասի 19 փողոցի 330 մետր եւ 4-րդ թաղամասի  3-րդ փողոցի  առուների կառուցում LR-4 վաքերով», Ծովագյուղ համայնքի «Ջրամատակարարման համակարգի բարելավման աշխատանքներ», Նորակերտ համայնքի «Մանկապարտեզի տանիքի վերանորոգում», Գավառ համայնքի «Բազմաբնակարան շենքերի մուտքերի, տանիքի կապիտալ վերանորոգման եւ ջերմամեկուսացման աշխատանքներ», «Գավառ համայնքի թիվ 8 մանկապարտեզ ՀՈԱԿ-ի շենքի վերանորոգում», «Գավառի Սուրբ Աստվածածին եկեղեցու հարակից  եւ Արծրունի եղբայրների արձանի հարակից այգիների հիմնանորոգում եւ Հացառատ ու Արծվաքար թաղամասերում խաղարանների կառուցում», «Գավառ համայնքի Բուռնազյան փողոցի կապիտալ վերանորոգման աշխատանքներ», «Գավառ քաղաքի մշակույթի տան շենքի մի հատվածի հիմնանորոգում», «Գավառ քաղաքում կանգառների եւ գովազդային վահանակների տեղադրում», Ծովինար համայնքի «Ներհամայնքային փողոցների ասֆալտապատում», Լանջաղբյուր համայնքի «Վ. Մամիկոնյան եւ Մաշտոցի փողոցների ասֆալտապատում» ծրագրերը:

Սուբվենցիոն ծրագրերի շրջանակներում վերը նշված համայնքներում աշխատանքներ իրականացնելու նպատակով համայնքապետարանները, ՀՀ օրենսդրությամբ սահմանված կարգով, առաջիկայում  կհայտարարեն ծրագրերի իրականացման մրցույթները:

Խոսրով Խլղաթյան 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ