Լողափնյա վոլեյբոլի ՕԽ վարկանիշային մրցաշարը կանցկացվի Երևանում
14:51, 25 Մայիս 2020
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Լողափնյա վոլեյբոլի Օլիմպիական խաղերի վարկանիշային մրցաշարերից մեկը կանցկացվի Երևանում:
«Արմենպրես»-ի հաղորդմամբ` այս մասին գրում է ՀԱՕԿ-ը: Արևելյան Եվրոպայի երկրների վոլեյբոլի ասոցիացիան կազմել է 2020 թ․ լողափնյա վոլեյբոլի մրցաշարերի օրացույցը: Օլիմպիական վարկանիշային կարգավիճակ ունեցող կանանց մրցաշարերից մեկը կկայանա Երևանում՝ ընթացիկ տարվա օգոստոսի 28- 30-ը։
Կանանց և տղամարդկանց նման մրցաշարեր նախատեսված են հուլիսին՝ Պյառնուում, օգոստոսին՝ Սանկտ Պետերբուրգում և սեպտեմբերին՝ Բաթումում։
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում