«Լոռի»-ն հաղթեց «Շիրակ»-ին Գյումրիում. վերսկսվեց Հայաստանի առաջնությունը
18:26, 23 Մայիս 2020
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Մոտ երկու ամսվա դադարից հետո վերսկսվեց Հայաստանի ֆուտբոլի առաջնության բարձրագույն խումբը:
«Արմենպրես»-ի հաղորդմամբ` 18-րդ տուրի շրջանակում Գյումրու «Շիրակ»-ը քաղաքային մարզադաշտում հյուրընկալեց «Լոռի»-ին: Վանաձորյան ակումբին հաջողվեց խաղի հաշիվը բացել 39-րդ րոպեին: Աչքի ընկավ Մազյերոն: Երկրորդ կեսում «Լոռի»-ի կազմում աչքի ընկավ Արման Մկրտչյանը, իսկ «Շիրակ»-ին հաջողվեց միայն հեղինակության գնդակ խփել: Գոլն իր ակտիվում գրանցեց Մորի Կոնեն: «Շիրակ»-«Լոռի»` 1:2:
Հաջորդիվ կկայանա նաև «Փյունիկ»-«Արարատ-Արմենիա» հանդիպումը: Մայիսի 24-ին «Ալաշկերտ»-ը կմրցի «Նոա»-ի, իսկ մայիսի 25-ին կկայանա «Արարատ»-«Ուրարտու» հանդիպումը:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում