Արոնյանն առցանց մրցաշարում ընթանում է 5-րդ տեղում
23:04, 20 Մայիս 2020
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանը Lindores Abbey Rapid Challenge մրցաշարում ընթանում է 5-րդ տեղում:
«Արմենպրես»-ի հաղորդմամբ` արագ շախմատի 8 տուրից հետո Արոնյանը հավաքել է 4 միավոր և 5-րդ տեղում է: Մրցաշարային աղյուսակի առաջատարները Սերգեյ Կարյակինը և Հիկարու Նակամուրան են:Նրանք ունեն 5,5 միավոր:
Lindores Abbey Rapid Challenge շախմատային առցանց մրցաշարը կազմակերպել է աշխարհի չեմպիոն Մագնուս Կարլսենը: Մասնակիցները մեկնարկում, որը բաղկացած է 11 պարտիայից, մրցում են արագ շախմատում: Ութ լավագույնները դուրս կգան փլեյ-օֆֆ:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում