Մարմնամարզիկ Արթուր Ավետիսյանը վիրահատվել է
11:48, 20 Մայիս 2020
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Հայաստանի մարմնամարզության հավաքականի անդամ Արթուր Ավետիսյանը վիրահատվել է:
«Արմենպրես»-ի հետ զրույցում Ավետիսյանը փաստեց, որ խնդիրներ կային ուսի հետ կապված. պոկվել էին մկանաթելերը, փոքր ջիլի պատռվածք էր առաջացել, և բազկի երկգլուխ մկանն անընդմեջ դուրս էր ընկնում: Այժմ Ավետիսյանն իրեն լավ է զգում և հույս ունի, որ շուտով դուրս կգրվի հիվանդանոցից:
Արթուր Ավետիսյանը 2019 թվականի Համաշխարհային ուսանողական խաղերի ոսկե մեդալակիր է, նախորդ տարի էլ ընդգրկվել է Հայաստանի 10 լավագույն մարզիկների շարքում:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում