«Հայաստանի Հանրապետություն» օրաթերթ․ Պետք է հստակեցվեն տեղեկատվության շրջանակները
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: «Ստորագրության բացակայության հիմնավորմամբ տեղեկատվություն հայցողներին չպատասխանելու դեպքերը շատ են, որոնք էականորեն խախտում են քաղաքացու եւ լրատվամիջոցների տեղեկատվություն փնտրելու ու տարածելու իրավունքը: Նույնսիկ եթե դիմումի հասցեատերը կրկնակի՝ արդեն ստորագրված դիմում է ուղղում տեղեկատվությունը տնօրինողին՝ այն շատ դեպքերում դառնում է ժամանակավրեպ: Իրավական նախագծերի միասնական էլեկտրոնային հարթակում արդարադատության նախարարության շրջանառության մեջ դրած օրինագծով նախատեսվում է «Տեղեկատվության ազատության մասին» օրենքի 9-րդ հոդվածից հանել գրության համար սահմանված քաղաքացիության եւ ստորագրության պահանջները: Լիազոր մարմինն այս փոփոխությունը հիմնավորում է նրանով, որ հանրային տեղեկատվության տրամադրման դեպքում դիմողի անձը պարզելու անհրաժեշտությունը բացակայում է, քանի որ նման տեղեկատվությունը պետք է տրամադրվի ցանկացած դեպքում: Հանրային տեղեկատվության մատչելիության սահմանափակումը պայմանավորված չէ անձանցով: Եթե առկա են տեղեկատվության տրամադրման սահմանափակման հիմքեր, ապա դրանք սահմանափակ են բոլորի համար: Ըստ արդարադատության նախարարության բերած հիմնավորման, եթե տեղեկատվությունն անարգել տրամադրվում է մեկին, ապա այն կարող է հրապարակային դառնալ եւ հասանելի լինել բոլորի համար: Ոլորտի լիազոր գերատեսչությունը նաեւ փաստում է, որ մեկ ամիս առաջ կառավարության հավանությանն արժանացած «Պաշտոնական փաստաթղթերի մատչելիության մասին» Եվրոպայի խորհրդի կոնվենցիայով նախատեսված են նաեւ անանուն հարցումներ»:
Նյութն ամբողջությամբ կարդացեք թերթի այսօրվա համարում։
Բաժանորդագրվեք մեր ալիքին Telegram-ում