1000х90.jpg (78 KB)

Երևանում՝ 11:07,   28 Մարտ 2024

Ուկրաինայի հայերի միությունը գործարկել է Հայոց ցեղասպանության 105-րդ տարելիցի առցանց ցուցահանդես

Ուկրաինայի հայերի միությունը գործարկել է Հայոց ցեղասպանության 105-րդ տարելիցի 
առցանց ցուցահանդես

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ուկրաինայի հայերի միության հատուկ պորտալում գործարկվել է Հայոց ցեղասպանության 105-րդ տարելիցին նվիրված առցանց ցուցահանդես։ Ինչպես տեղեկացնում է «Արմենպրես»-ը՝ վկայակոչելով AnalitikaUA.net-ը, ցուցահանդեսում ներկայացվում են արխիվային լուսանկարներ, փաստաթղթեր և պատմական վերլուծություններ։

Պատմաբան Վահե Պետրոսյանի կարծիքով՝ պորտալը ցայտուն և հասանելի կերպով ներկայացնում է Օսմանյան Թուրքիայի գործած Հայոց ցեղասպանության ամբողջական պատկերը. «Ցացահանդեսի հիմնական նպատակը փաստերը ներկայացնելն է։ Վիրուալ ցուցադրությունը պատկերում է ցեղասպանության սարսափները և դրա հետևանքները»։

Գիտնականը նշել է, թե շատ կարևոր է թույլ չտալ, որ նման ողբերգություն երբևէ և ինչ-որ տեղ կրկնվի։ Իսկ այդ բանը թույլ չտալու համար անհրաժեշտ է աղետի ծավալների ներկայացումը և դրա դատապարտում։

Ավելի վաղ հաղորդվել էր, որ Ուկրաինայով մեկ անցկացվել են Հայոց ցեղասպանության 105-րդ տարելիցին նվիրված միջոցառումներ, տեղադրված են տեղեկատվական պաստառներ։ Ռուսաստանի հայերի միության «Շնորհակալություն բարգավաճելու շանս տալու համար։ Հայեր» սոցիական տեսահոլովակը հեռարձակել են կենտրոնական և տարածաշրջանային ալիքները։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]