Իվետա Մուկուչյանն ուղիղ հեռարձակմամբ ներկայացրել է «Երկար գարուն» երգի պրեմիերան
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Երգչուհի Իվետա Մուկուչյանը «Ֆեյսբուք»-ի իր պաշտոնական էջում ուղիղ հեռարձակմամբ երկրպագուներին է ներկայացրել «Երկար գարուն» ստեղծագործությունը՝ նվիրված Հայոց ցեղասպանության 105-րդ տարելիցին:
«Արմենպրես»-ի հաղորդմամբ՝ երգչուհին հատուկ շնորհակալություն է հայտնել երգի երաժշտության և գործիքավորման հեղինակ Մարինե Գյուլումյանին, դուդուկահար Արտյոմ Մինասյանին, պրոդյուսեր Ալեքսանդր Մհերյանին և մյուս աջակիցներին:
Գերմանահայ երգչուհի, երգահան, մոդել և դերասանուհի Իվետա Մուկուչյանը ծնվել է Երևանում, սակայն 5 տարեկանում տեղափոխվել է Համբուրգ: 2009-ին վերադարձել է Հայաստան և մասնակցել «Հայ սուպերսթար» հեռուստանախագծի չորրորդ եթերաշրջանին՝ զբաղեցնելով 5-րդ հորիզոնականը։ 2012 թվականին մասնակցել է «Գերմանիայի ձայնը» նախագծի երկրորդ եթերաշրջանին։ Նույն տարում «El Style» ամսագիրը նրան ճանաչել է «Ամենացանկալի հայուհի»։
2016 թվականի մայիսին «Սիրո ալիք» երգով ներկայացրել է Հայաստանը «Եվրատեսիլ» երգի միջազգային մրցույթում և գրավել է 7-րդ տեղը:
Անժելա Համբարձումյան
Բաժանորդագրվեք մեր ալիքին Telegram-ում