Ժամանակը Երևանում՝ 11:07:36,   4 Հունիս

Առյուծները քնել են երբեմնի բանուկ ճանապարհին

Առյուծները քնել են երբեմնի բանուկ ճանապարհին

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Վաղ, թե ուշ կենդանիները պետք է նկատեին, որ մարդիկ անհետացել են և նրանք հանգիստ կարող են զբաղեցնել իրենց տարածքը: Այդպես տեղի ունեցավ Հարավաֆրիկյան Հանրապետութունում գտնվող Կրյուգերի ազգային պարկում, որտեղ առյուծները քնել են երբեմնի մարդաշատ փողոցում:

Պարկի աշխատակից Ռիչարդ Սոուրին դա նկատել է այցի ժամանակ: «Արմենպրես»-ի հաղորդմամբ, BBC-ն տեղեկացնում է, որ մարտի 25-ից պարկը փակվել է, այն կարանտինի պայմաններում է, սակայն Սոուրին շարունակում է աշխատել: Նա պատմել է, որ նման տեսարանի սովորաբար կարող էին ականատես լինել գիշերային ժամերին, երբ պարկում ոչ ոք չէր լինում: Հիմա այնտեղ ոչ ոք չկա նույնիսկ ցերեկը, այդ իսկ պատճառով առյուծները որոշել են պառկել ճանապարհին և ուշադրություն չեն դարձրել ավտոմեքենայով մոտեցող Սոուրիին:

«Այստեղ առյուծներն իրականում սովոր են ավտոմեքենաներով շրջող մարդկանց: Բոլոր կենդանիներն ունեն վախի զգացողություն հետիոտնի նկատմամբ, այնպես որ, եթե ես լինեի ոտքով, ապա նրանք երբեք թույլ չէին տա ինձ մոտ գնալ իրենց»,-ասել է նա:

Ռիչարդ Սոուրին լուսանկարներն արել է հեռախոսով իր ավտոմեքենայից:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ